சூர்யா படம் பாக்க போலாமா

வாரணம் ஆயிரம் நேத்து பாத்தாச்சு. தங்கமணிகள் எல்லாம் சூர்யா படம் பாக்க போலாம் அப்படீன்னா நிறைய ரங்கமணிகள் காதில ஏனோ புகை.

• ஒரு சூர்யா ரசிகை வந்திருந்தாங்க. காக்க காக்க படத்தில சூர்யா அறிமுகக்காட்சியில விசிலடிச்சு ரவுசு பண்ணனும்னு பாத்தா செத்த மாதிரி அடிபட்டு கிடக்கறதுதான் அறிமுகக்காட்சி. வாரணம் ஆயிரத்தில நல்லா விசிலடிச்சு ஆசையைத்தீத்துக்கபோறேன் அப்படீன்னாங்க. பாவம் ஏமாந்து போனாங்க. அப்பா சூர்யா முதல் காட்சியில வர்றார். அஞ்சு நிமிசத்தில செத்தும் போறார். அப்பா சூர்யா ரகுவரனை ஞாபகப்படுத்தறார். கொஞ்சம் கூட சிவகுமாரை ஞாபகப்படுத்தவேயில்லை.

• படம் முழு நீளப்படம். ஆனால் நிறைய ஸ்வீட் நத்திங்ஸ் படத்தில். அதனாலேயே படம் முழுவதும் பார்க்க முடிகிறது. காஷ்மீர்ல எடுத்த சில காட்சிகள் இருட்டில் சரியாகத்தெரியாமல் போகிறது. எம்டன் மகனில் வர்ற மாதிரி கண்டிப்பான அப்பா அல்லது தவமாய் தவமிருந்துல வர்ற மாதிரி தியாகி அப்பா இவங்களை மட்டுமே பிடிச்ச ஆளுங்க இந்தப்படத்தை பாத்திராதீங்க. உங்க அப்பா நண்பனா , ரோல் மாடலா இருந்திருந்தா அல்லது இருக்கணும்னு விருப்படும் ஆளா இருந்தா போய் பாருங்க.

• தியேட்டரை விட்டு வெளியெ வரும் போது பரவலா கேட்கப்பட்ட ரெண்டு கமெண்ட்ல ஒண்ணு படம் நீளம். தவமாய் தவமிருந்தையே வேற மாதிரி எடுத்திருக்கார் கெளதம் அப்படீன்னு ரெண்டாவது.

• மேக்னா அமெரிக்கா போகப்போறேன்னு சொன்னதும் அவரை இந்தியாவிலேயே இருக்க சூர்யா கன்வின்ஸ் பண்ண முயற்சி செய்வது சூப்பர். அதே போல் அமெரிக்காவில் எடுத்து இருக்கும் காட்சிகள் அழகு. சூர்யா எக்ஸ்ப்ரெஷன் எல்லாம் அருமை. சிம்ரன் சூர்யா பாடல் காட்சியில் சிம்ரன் பழைய இந்தி நடிகைகள் போலவே இருக்கிறார். சிம்ரனுக்கு அம்மாவாய் நிறைய காட்சிகள்.

• அடியே கொல்லுதே, அஞ்சலை பாட்டு உள்பட எல்லா பாடல்களும் ரசிக்க முடிகிறது.

• நீங்க சூர்யா ரசிகரா இருக்கணும்னு அவசியம் இல்லை. சூர்யா நடிப்பு உங்களுக்கு பிடிச்சிருந்தாலெ போதும். படம் பாக்கலாம். படம் முழுக்க சூர்யாதான். கிட்டத்தட்ட 50 First Dates பட வகையறா வாரணம் ஆயிரம். இப்படியெல்லாம் நடக்குமான்னு கேள்வி கேக்காம ஜாலியா பாக்கணும்.

ஒரு சூர்யா ரசிகை வந்திருந்தாங்கன்னு சொன்னேனே. நல்லாவே விசிலடிச்சாங்க. நாலு ரங்கமணிகள் இருந்தாங்க. யாருக்கும் விசிலடிக்கத்தெரியாதாம்.